Jon Redondo, Eusko Jaurlaritzako Gazteria eta Kirol zuzendariak, Bilbon “Euskal selekzioen ofizialtasuna: bideragarritasun juridikoa eta hurrengo pausoak” izenburupean antolatu den jardunaldiari hasiera emango dio, bihar osteguna, apirilak 10. Ekitaldian, euskal kirol selekzioen nazioarteko ordezkaritzarako bideak aztertzen dituen txosten juridikoa aurkeztuko da. Jardunaldia, Eusko Jaurlaritzak antolatu du, Globernance eta Euskal Kirol Federazioen Batasunarekin elkarlanean.
Jardunaldian, Gazteria eta Kirol zuzendariarekin batera, bideragarritasun juridikoari buruzko txostena osatu duten legelariek ere parte hartuko dute: Juantxo Landaberea (Landaberea & Abogados), Juanjo Alvarez (Nazioarteko Zuzenbide Pribatuan katedraduna eta Globernanceko idazkaria), Gonzalo Palacio (Cuatrecasas, Gonçalves Pereira bulegoko abokatu bazkidea) eta David Salinas-Armendariz (Eusko Jaurlaritzako legelaria).
Era berean, euskal kirol munduko eragile eta erakunde esanguratsuak ere gonbidatuak izan dira. Ekitaldia streaming bidez jarraitu ahal izango da, Irekian. #euskalselekzioak
